Britney Spears dagur í dag

Ég er veik og var að endurtaka klassískar "rökræður" við kunningja minn á MSN. Þessar "rökræður" fjalla um tónlist, en ég fæ endalaust diss fyrir að "kalla mig rokkara en samt dilla þér við britney!!" sem er bara hlægilegt.

Þessi rökræða á ekki einu sinni skilið svar. Ég held að það sé öllum þenkjandi mönnum ljóst að maður á að hlusta á þá tónlist sem kveikir í manni og að allir hafa mismunandi smekk. Metalhausar og aðrir "minnihlutahópar" vilja halda því fram að "hnakkarnir" séu þröngsýnir af því þeir vilja ekki heyra rokk, heldur bara eina týpu af tónlist, þegar að tónlistaralætur eins og ég sjáum það augljóslega að þröngsýnin er á báðum bógum. Metalhausar eru með þröngsýnasta fólki sem ég hef kynnst þegar það kemur að tónlist. Þá er ég að sjálfsögðu bara að tala um þá sem ég hef haft samskipti við enda er ég ekki mikið fyrir að setja alla undir einn hatt. En þetta er satt, langflestir metalhausar sem ég hef haft einhver samskipti við hata allt sem er ekki "þúst nekro kvlt black death doom satan metal" og líta ekki einu sinni við böndum sem eru í léttari kantinum, hvað þá raftónlist eða poppi. Fyrirgefið mér fyrir að sjá ekki skömmina í því að vera með Sepultura og Britney á sama playlista. Í tilefni dagsins er þetta Britney póstur.

Þetta lag er náttúrulega BARA gott.

Ég skora á alla þá sem hafa fest sig of mikið í einni tónlistarstefnu til að víkka sjóndeildarhringinn aðeins og skoða tónlist út fyrir sitt norm. Ég er ekkert að segja að allir eigi að fíla Britney eða þessar poppdívur, en það er engin synd fólgin í dansi, gott fólk.

It's Britney, bitch!!

Tónleikar alls staðar

Jáhájá! Þetta var svakaleg helgi. Skulum líta aðeins á þetta.. Á fimmtudag fórum við á tónleika á Sódóma, SATANrokk, þrjár metalsveitir, og sveitin Infected stóð sig best að mínu mati, en þetta var stuð, metall og bjór, alltaf gaman.

Á föstudag fór ég of course á Sódóma að sjá Jeff Who og Dikta. Ég vissi ekkert hverjir upphitunarbandið "Sing for me Sandra" væru og bjóst ekki við miklu en djöfulli voru þeir góðir! Rosalega skemmtilegt hljóð og svei mér þá ef þeir minna mig ekki bara rosalega mikið á Bloc Party, sem eru bara frekar skemmtilegir. Þetta var svona skemmtilegt háskólarokk, svona tónlist sem á að DANSA við, Íslendingar!! Af hverju standa allir bara og glápa á hljómsveitina. Jæja, ég, Raggi og Sigga dönsuðum af okkur stélin og það var stuð. Svo komu Jeff Who, og þó svo að ég hafi komið eiginlega bara út af Dikta, þá voru Jeff Who gjéééðveikir. Stuð allan tímann, góð músík og bara virkilega þétt, skemmtilegt rokk. Þeir eru greinilega að reyna að komast undan einhverju "one hit wonder" reputation, af því að þrátt fyrir endalaus öskur úr crowdinu "BARFLY!!!!!!!!!!" þá spiluðu þeir ekki Barfly fyrr en alveg í lok, og þá þurftum við fyrst að lofa þeim að kaupa nýju plötuna. Já ég skal kaupa hana, þetta voru það góðir tónleikar! Því miður fann ég ekki myndavélina mína á föstudagskvöld og er því ekki með neinar myndir frá tónleikunum, en ég læt hér inn myndbandið fyrir Barfly, lagið sem þeir vildu ekki spila, hehehe.

Svo komu aðalgaurarnir...sem ég var búin að bíða eftir allt kvöldið.....yndislegu fallegu Diktamenn, sem spiluðu vel og voru skemmtilegir, en það hefði mátt vera án alls vesens. Míkrófónar að detta út, hljóðfæri að detta út, ískur Satans af og til (æj þið vitið þetta tónleika ískur ííííííí og eyrun blæða). Þeir litu sjálfir ekkert út fyrir að vera að fíla þetta, dissuðu hljóðmanninn en stóðu sig vel!! Alltaf góðir, og voru kallaðir aftur upp á svið eftir að hafa klárað tónleikana, og þá tóku þeir geðveikt lag og án alls ískurs!!! Geðveikt að klára þetta svona vel. Þetta voru geðveikir tónleikar.

Jájájá svo kom laugardagur og þá var félagi minn að spila á Dillon í sveit sem kallar sig Chronolium og þeir eru góðir strákarnir. Ég fíla svona harðan metal með söng en ekki öskri. Tóku nokkur lög, þar á meðal OOB, sem enginn á að vita hvað þýðir, en ég hef verið að gíska gíska gíska endalaust og ég held að ég hafi giskað rétt... En ég segi ekki hér hvað það þýðir, þið þurfið bara að mæta á fokkin tónleika!!! Vúúú.

Chronolium að spila á Dillon

Þegar þeir voru búnir, og ég búin að taka hundraðþúsund myndir af þeim, þá fórum við á Sódóma Reykjavík, já, þriðja kvöldið í röð sem maður fer þangað, og þar var Agent Fresco að spila, og þeir eru náttúrulega bara geðveikir. Rosalega gott lagið þeirra "above these city lights", alveg svakalegt. Þetta er rosalega þétt band og söngvarinn er náttúrulega bara geðveikur!!!!!!!!

Hlustiði á lagið hér að ofan. Ég náði líka ágætri mynd af þeim köppum í Agent Fresco. Djöfull er ég að fíla þetta band.

Agent Fresco á Sódóma

Yessir.. Þannig þetta var bara súper góð helgi, helling af góðri tónlist alls staðar. Og eins og flestir vita sem þekkja mig þá elska ég tónlist, alla tónlist, hvaða tónlist sem er. Mikið fjör! Skál fyrir því.

Lag dagsins

Sour Times með Portishead

Alexöndru blogg

Ég bjó til nýtt blogg af því að ég fattaði að ég hef líka gaman af því að safna myndum ekki bara myndböndum. Þannig héðan í frá heitir þetta bara bloggið mitt, þó svo ég eigi örugglega eftir að skrifa mjög lítið.. Þetta er meira bara staður þar sem ég safna saman myndum, myndböndum og ýmsu öðru sem mér finnst flott.

Ég er veik heima sem er örugglega svona 85% ástæðan fyrir því að ég er að búa þetta blogg til... og 100% ástæðan fyrir því að ég horfði á alla fyrstu seríu af 30 rock í dag. Enívei. Njótið.

Twiggy


Lag dagsins: Kids með MGMT